ننګرهار؛ مومندرې ولسوالۍ کې د ٤٠ لوبډلو ترمنځ د ټېپ بال کرکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون د استازولي له لوري د ياد ولايت په مومندرې ولسوالۍ کې د ٤٠ لوبډلو ترمنځ د ټېپ بال کرکټ سیالۍ پیل شوې.
د یادو سياليو لومړۍ لوبه د ډکې سوپر سټار او ان زرټ کلب لوبډلو ترمنځ ترسره شوه. ډکې سوپر سټار لوبډلې د لوبې پچه وګټله او لومړی یې د توپ وهنې پرېکړه وکړه، چې په ټاکلو اتو اورونو کې یې د خپلو شپږو لوبغاړو په له لاسه ورکولو سره خپلې سیالې لوبډلې ته د ١٥١ منډو هدف وټاکه. د هدف په تعقیب کې ان زرټ کلب لوبډلې هم ١٥٠ منډې وکړه او لوبه مساوي شوه، خو وروسته بیا په سوپر اور کې ان زرټ لوبډلې د ١١ منډو په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دغه سيالۍ د ځوانانو د هڅونې او يووالي په موخه پیل شوي دي ، چې یوه نیمه میاشت به دوام وکړي.
