ننګرهار؛ مرکز جلال آباد ښار کې د پنځه سوه ورزشکارانو ترمنځ د پهلواني سیالۍ ترسره شوې
د ننګرهار ولایت د بدني روزنې او ورزش ریاست اړوند د پهلواني فدراسیون د استازولۍ له لوري د ياد ولايت مرکز جلال آباد ښار کې د پنځه سوو ورزشکارانو ترمنځ د پهلواني سیالۍ ترسره شوې.
په دغو سیالیو کې له ٣٥ کلبونو څخه د ځوانانو او لویانو ورزشکارانو په عمري کټګوریو کې ورزشکارانو ګډون کړی و، چې په پایله کې یې ٢٥٠ تنو خپلو سیالانو ته په ماتې ورکولو بریاوې خپلې کړې او د ډالیو ګټونکي شول.
دا سیالۍ د پهلواني ملي سیالیو ته د چمتووالي په موخه ترسره شوې، چې دوې ورځې یې دوام وکړ.
