ننګرهار؛ مرکز جلال آباد ښار کې د ٢٤ لوبډلو ترمنځ د والیبال رمضان جام سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د والیبال فدراسیون د استازولۍ له لوري د ياد ولايت مرکز جلال آباد ښار په سراج العمارت بڼ کې د ٢٤ لوبډلو ترمنځ د والیبال رمضان جام سیالۍ د چپرهار لوبډلې په اتلولي پای ته ورسېدې.
په دغو سیالیو کې د ننګرهار، کونړ او لغمان ولایتونو ٢٤ لوبډلو ګډون کړی و، چې په پایلوبه کې یې چپرهار لوبډلې د ٢/١ میدان په توپیر خپلې سیالې ښېوې لوبډلې ته ماتې ورکړه او اتلولي یې وګټله.
دا سیالۍ د روژې مبارکې میاشتې په مناسبت ترسره شوې، چې لس ورځې یې دوام وکړ.
