ننګرهار؛ شینوارو ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولایت په شینوارو ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د مارکو ایلیون سټار او ینګ شیرګړ لوبډلو ترمنځ ترسره شوه. د لوبې پچه ینګ شیرګړ لوبډلې وګټله او لومړی یې توپوهنه وکړه، چې په ټاکلو لسو اورونو کې یې د شپږو ویکټو په زيان سره خپلې سیالې لوبډلې ته د ١٤٩ منډو هدف وټاکه. مارکو ایلیون سټار لوبډلې د هدف په تعقیب کې په لسو اورنو کې ٨٩ منډې وکړې د ٥٩ منډو په توپیر یې د سیالیو لومړۍ لوبه وبایلله.
دا سیالۍ د د نظام د ملاتړ په موخه پیل شوي دي، چې ٢٥ ورځې به دوام وکړي.
