ننګرهار؛ سپين غر ولسوالۍ کې د ۲۰ لوبډلو ترمنځ د ټېپ بال کرکټ سيالۍ پيل شوې
د ننګرهار ولایت د بدني روزنې او ورزش ریاست له لوري د ياد ولايت د سپين غر ولسوالۍ د شډل بازار په لوبغالي کې د ۲۰ لوبډلو ترمنځ د ټېپ بال کرکټ سيالۍ پيل شوې.
د دغو سياليو لومړۍ لوبه د سپين غر او د شينوارو ټايګر لوبډلو ترمنځ ترسره شوه، د سپين غر لوبډلې د پچې په ګټلو سره د توپ وهنې پرېکړه وکړه، چې په ټاکلو لسو اورونو کې یې د اتو لوبغاړو په سوځېدو سره مقابلې لوبډلې ته د ۱۰۴ منډو هدف وټاکه. په ځواب کې د شينوارو ټايګر لوبډلې ټاکل شوې هدف د لوبې په اووم اور کې د درې لوبغاړو په سوځېدو سره پور کړ او لوبه يې د اووه ويکټو په توپير سره وګټله.
د يادو سياليو موخه له نظام څخه ملاتړ دی، چې ۲۶ ورځې به دوام وکړي.
