ننګرهار؛ خېوې ولسوالۍ کې د ١٢ لوبډلو ترمنځ د ټېپ بال کرکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون د استازولي له لوري د ياد ولايت په خېوې ولسوالۍ کې ۱۲ لوبډلو ترمنځ د ټېپ بال کرکټ سیالۍ پیل شوي.
د یادو سیالیو لومړۍ لوبه د خېوې مرکزي او سید جمال الدین لوبډلو ترمنځ ترسره شوه. خېوې مرکزي لوبډلې د لوبې پچه وګټله او لومړی یې د توپ وهنې پرېکړه وکړه چې په ټاکلو اتو اورونو کې یې د خپلو پنځو لوبغاړو په له لاسه ورکولو سره خپلې سیالې لوبډلې ته د ١٧٥ منډو هدف وټاکه. سید جمالدین لوبډلې د هدف په تعقیب کې د خپلو شپږو لوبغاړو په له لاسه ورکولو سره یوازې ٩٦ منډې وکړې او د ٧٨ منډو په توپیر یې لوبه وبایلله.
يادې سیالۍ ورزش ته د ځوانانو د هڅولو په موخه پیل شوي دي چې شل ورځې به دوام وکړي.
