میدان وردگ؛ بهسودو ولسوالۍ کې د ښویېدنې، رسې کشولو او د توپ ډنډې سیمه ییزې سیالۍ ترسره شوې
د میدان وردګ ولایت د بدني روزنې او ورزش امریت په مرسته او د حاجي نبي علي زاده په مالي ملاتړ د یاد ولایت د بهسودو ولسوالۍ په پیتاب شینه سیمه کې د ښویېدنې، رسې کشولو او د توپ ډنډې سیمه ییزې سیالۍ ترسره شوې.
د ښویېدنې په سیالیو کې ۴۰ ورزشکارانو د نویو ځوانانو، ځوانانو او د لویانو ورزشکارانو په عمري کټګوریو کې ګډون کړی وو، چې په پایله کې له هرې کټګورۍ څلورتنو ورزشکارانو بریاوې خپلې کړې.
د رسې کشولو سیالیو په برخه کې شپږو لوبډلو د نویو ځوانانو، ځوانانو او د لویانو ورزشکارانو په عمري کټګوریو کې ګډون کړی وو، چې په پایله کې له هرې کټګورۍ یوه- یوه لوبډله، چې درې لوبډلې کېږي بریاوې یې خپلې کړې.
په وروستیو کې د دوو لوبډلو ترمنځ د توپ ډنډې سیالۍ هم ترسره شوې، چې په پایله کې یوې لوبډلې بریا خپله کړه؛ د سیالیو په پای کې غوره ورزشکارانو ته مډالونه، د اتلولۍ حکمونه او چمتو شوې ډالۍ هم ورکړل شوې
