میدان وردګ؛ په مرکز میدان ښار کې د ۱۸ لوبډلو ترمنځ د والیبال سیالۍ پای ته ورسیدی
د میدان وردګو ولایت د بدني روزنې او ورزش آمریت اړوند د والیبال فدراسیون د استازولي له لوري او د افغان بیسیم مخابراتي شرکت په مالي ملاتړ د څلورو ولایتو څخه د ۱۸ لوبډلو ترمنځ د والیبال سیالۍ د شهید فیصل بابکرخیل لوبډلې په اتلولي پای ته ورسېدې.
په دغو سیالیو کې د بامیان، لوګر، غزني، کابل او میدان وردګو ولایتونو د والیبال لوبډلو ګډون کړی و، چې په پای لوبه کې شهید فیصل بابکرخیل لوبډلې خپلې سیالې ځواک میدان ښار لوبډلې ته د۳-۱ میدانونو په توپیر ماتې ورکړه او اتلولي یې په خپل نوم کړه.
دغه سیالۍ د ولایتونو د ورزشکارانو او مینوالو تر منځ مینه، یووالۍ او اخوت او همدارنګه د والیبال لوبو ته وده ورکولو په موخه ترسره شوې چې پنځه ورځې یې دوام وکړ او په پای کې لومړي او دویم مقام لوبډلو ته نغدي ډالۍ او غوره لوبغاړو ته نورې چمتو شوې ډالۍ ورکړل شوې.
