میدان وردګ؛ مرکز میدان ښار کې د درېیو ولایتونو ترمنځ د ITF تکواندو سیالۍ ترسره شوې
د میدان وردګ ولایت د بدني روزنې او ورزش آمریت اړوند د تکواندو فدراسیون د استازولۍ له لوري د یاد ولایت په مرکز میدان ښار کې له درېیو ولایتونو د ۱۰۰ ورزشکارانو ترمنځ د ITF تکواندو سیالۍ ترسره شوې.
دا سیالۍ د میدان وردګ، کابل او پروان ولایتونو ترمنځ د تنکیو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پایله کې یې میدان وردګ ولایت لومړی، کابل دویم او پروان بیا درېیم مقام خپل کړ.
یادې سیالۍ له نشهيي توکو سره د مبارزې په موخه ترسره شوې، چې دوې ورځې یې دوام وکړ.
