ميدان وردگ؛ چک ولسوالۍ کې د شپږو لوبډلو ترمنځ د ټېپ بال کرېکټ سيالۍ پای ته ورسېدې
د ميدان وردگ ولايت د بدني روزنې او ورزش آمريت اړوند د ټېپ بال کرېکټ فدراسيون د استازولۍ له لوري د ياد ولايت په چک ولسوالۍ کې د شپږو لوبډلو ترمنځ د ټېپ بال کرېکټ سيالۍ د ش.ه.يد ذاکر لوبډلې په اتلولۍ پای ته ورسېدې.
د دغو سياليو پايلوبه د ش.ه.يد ذاکر او ش.ه.يد هارون لوبډلو ترمنځ ترسره شوه، د لوبې پچه ش.ه.يد ذاکر لوبډلې وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې خپلې سيالې لوبډلې ته د ۱۰۷ منډو هدف وټاکه، په ځواب کې ش.ه.يد هارون لوبډلې د ټولو اورونو په لوبولو سره ۸۵ منډې وکړې او لوبه يې د ۲۲ منډو په توپير وگټله.
د يادو سياليو موخه د ټېپ بال کرېکټ لوبې ته وده ورکول و، چې دوې اوونۍ يې دوام وکړ او په پای کې لومړي او دويم مقام گټونکو لوبډلو او غوره لوبغاړو ته چمتو شوې ډالۍ ورکړل شوې.
