ميدان وردگ؛ په سيداباد ولسوالۍ کې د ۲۰ ورزشکارانو ترمنځ د تیږې اچوونې سيالۍ ترسره شوې
د ميدان وردگ ولايت د بدني روزنې او ورزش امريت اړوند د ملي او دوديزو لوبو مديريت له لوري د سيدآباد ولسوالۍ په حمزه خېلو کلي کې د ۲۰ ورزشکارانو ترمنځ د تيږې اچوونې سيالۍ ترسره شوې.
دغه سیالۍ چې يوه ورځ يې دوام وکړ، په پايله کې سیف الله لومړی، حمزه دويم او نور الله بيا درېیم مقام ترلاسه کړ.
د يادولو وړ ده، چې دغه سیالۍ ملي او دوديزو لوبو ته د ودې ورکولو او پرمختگ په موخه ترسره شوې او په پای کې غوره ورزشکارانو ته مډالونه او ستاينليکونه ورکړل شول.
