ميدان وردګ؛ د چک ولسوالۍ د واليبال سیالۍ د " چک اتحاد " لوبډلې په بریا پای ته ورسېدې
د میدان وردګ ولایت د بدني روزنې او ورزش آمریت او چک والسوالۍ د ورزشي کمېټې په همغږي د حضرت عمر فاروق «رض» په عالي لېسه کې د ۳۲ لوبډلو ترمنځ د والیبال سیالۍ، چې دوې اوونۍ مخکنې پیل شوې وې، نن د چک اتحاد لوبډلې په بریا پای ته ورسېدې.
د دې سیالیو پایلوبې ته سپین ستوري او چک اتحاد لوبډلې وتلې وې، چې د ۲/صفر میدانونو په توپیر چک اتحاد لوبډلې وګټله.
د دې لوبو موخه د ځوانانو تر منځ اتحاد و اتفاق او ورزش ته وده ورکول و.
په پای کې اول او دویم مقام ګټونکو لوبډلو ته کپونه ورکړل شول.
