مطمئن: د اتلانو درنښت کوو، څوک چې تللي د رواستلو هڅه یې کوو
مطمئن: د اتلانو درنښت کوو، څوک چې تللي د رواستلو هڅه یې کوو
د المپیک ملي کمېټې، بدني روزنې او ورزش عمومي رییس انجینر نظرمحمد مطمئن د رزمي لوبو له اتل بازمحمد مبارز او سیاستوال محمدنادر نعیم سره د د خبرو په مهال د ښاغلي مبارز د فعالیتونو ستاینه وکړه.
د مطمئن په وینا هغه ورزشکاران چې د بهرنیانو د تبیلغاتو تر اثر لاندې رانه غلل او دلته پاتې شول موږ یې درنښت کوو.
نوموړي زیاته کړه، هڅه کوي چې له هېواده ځینې وتلي ورزشکاران باید بېرته راوغوښتل شي، ځکه زموږ اتلان باید پردیو هېوادونو کې موټرچلوونکي ونه اوسي.
د المپیک ملي کمېټې، بدني روزنې او ورزش عمومي رییس ښاغلی مبارز مخاطب کړ، چې که په چارو کې یې حق تلفي ولیدل شي باید غږ پورته کړي.
دې ملاقات کې د سردار محمد داودخان د کورنۍ ځوان سیاستوال محمد نادرنعیم د ښاغلي مطمئن هڅې وستایلې او ورزش ته یې د لا ښه کېدو تمه ښکاره کړه.
ښاالي مبارز د المپیک ملي کمېټې، بدني روزنې او ورزش عمومي رییس ته د تبریکۍ تر څنګ ژمنه وکړه چې لا به هم د خپل هېواد لپاره ویاړونه ګټي او دلته به د ا.ا.ا تر چتر لاندې ورزشي فعالیتونو ته دوام ورکوي.
