محمود څرخ لوبډلې د لوگر ولايت واليبال سياليو اتلولي وگټله
د لوگر ولايت د بدني روزنې او ورزش آمريت اړوند د واليبال فدراسيون د استازولۍ له لوري او د YHDO مؤسسې په مالي لگښت د ياد ولايت په مرکز پل علم ښار کې د ۲۸ لوبډلو ترمنځ د "خزاني جام" په نوم د واليبال سيالۍ د محمود څرخ لوبډلې په اتلولۍ پای ته ورسېدې.
د يادو سياليو پايلوبه کې محمود څرخ لوبډلې خپلې سيالې طارق احمدزي لوبډلې ته د ۳ پر يو ميدانونو په توپير ماتې ورکړه او اتلولي يې خپله کړه.
دا سيالۍ واليبال لوبې ته د ودې ورکولو او له نشته يې توکو څخه د ځوانانو د ليري والي په موخه وشوې، چې شاوخوا يوه مياشت يې دوام وکړ.
د يادونې وړ ده، چې د دغو سياليو په پای کې د واليبال ملي لوبډلې دوه تنه لوبغاړي، چې د بنگله دېشن آسيايي لوبو کې ښه لوبېدلي وو، تشويق او تقدیر شول.
