ل کې د شپږو ولايتونو ترمنځ د رزمي لوبو نيو فول کانټاکټ دويم پړاو سيالۍ وشوې
د زابل ولايت د بدني روزنې او ورزش آمريت اړوند د رزمي لوبو فدراسيون د استازولۍ له لوري د ياد ولايت په مرکز قلات ښار کې د شپږو ولايتونو د ۷۰ ورزشکارانو ترمنځ د رزمي لوبو نيو فول کانټاکټ سبک سيالۍ وشوې.
په دغو سیالیو کې له هرات، غزني، کندهار، ارزگان، دايکندي او کوربه زابل ولايت څخه ورزشکارانو د نويو ځوانانو، ځوانانو او لويانو په عمري کټگوريو کې گډون کړی وو، چې په پايله کې زابل لومړی، هرات دويم او غزني بيا درېيم مقام خپل کړ.
د يادو سیالیو موخه د رزمي لوبو نيو فول کانټاکټ سبک ته وده ورکول او د ځوانانو لپاره د يوې سالمې تفريح برابرول وو، چې دوې ورځې يې دوام وکړ.
