لوگر کې د ۱۳۵ ووشو کارانو ترمنځ د ووشو اتم پړاو ټاکنیزې سیالۍ پای ته ورسېدې
د لوګر ولایت د بدني روزنې او ورزش امریت اړوند د ووشو ملي فدراسیون د استازولۍ له لوري په یاد ولایت کې د ۱۳۵ ووشو کارانو ترمنځ د نویو ځوانانو، ځوانانو او د لویو ورزشکارانو په عمري کټګوریو کې د ووشو اتم پړاو ټاکنیزې سیالۍ پای ته ورسېدې، چې درې ورځې دوام وکړ.
د دغو سیالیو په پایله کې ۲۰ تنو ورزشکارانو خپلو سیالانو ته په ماتې ورکولو سره د اتلولۍ مقامونه ترلاسه کړل او د لوګر ولایت د ووشو منتخبې لوبډلې ته لاره پيداکړه.
د یادو سیالیو موخه د لوګر ولایت د ووشو منتخبې لوبډلې ته د غوره ووشو کارانو موندل و.
د سیالیو په پای کې غوره ووشو کاران وستایل شول.
