لوګر؛ په محمداغې ولسوالۍ کې د ۴۰ سوکیو کوشین کراتې ورزشکارانو له خوا نندارې ترسره شوې
د لوګر ولایت محمد آغې ولسوالۍ په زاهد آباد سیمه کې د دوه کلپونو ۴۰ ورزشکارانو له لوري د سوکیو کوشین کاراتې نندارې ترسره شوې.
دغه سیالۍ د لوګر ولایت د بدني روزنې او ورزش آمریت په همکارۍ د سوکیو کوشین کاراتې فدراسیون له خوا ترسره شوې.
د یادو سیالیو موخه د سوکیو کوشین کاراتې رشتې ورزشکارانو هڅونه، یووالی او د نشه يي توکو پر وړاندې مبارزه وه.
له نوموړيو سياليو وروسته د مسوولینو له خوا ۱۰ ورزشکارانو ته د ارتقاء کمربندونه هم وروتړل شول.
د يادو نندارو د لیدو لپاره د ورزشي مسوولینو ترڅنګ، مخور، ځوانان او ګڼ شمېر مینوال هم ورغلي وو.
