لوګر؛ مرکز پل علم ښار کې د درېیوو ولایتونو ترمنځ د کېک بوکسېنګ سیالۍ ترسره شوې
د لوګر ولایت د بدني روزنې او ورزش امریت اړوند د کېک بوکسېنګ فدراسیون د استازولۍ له لوري د ياد ولايت مرکز پل علم ښار کې د درېیوو ولایتونو ترمنځ د کېک بوکسېنګ ژمنۍ سیالۍ ترسره شوې.
په دغو سیالیو کې له لوګر، غزني او پکتیا ولایتونو څخه ورزشکارانو د تنکیو ځوانانو، نویو ځوانانو او ځوانانو په عمري کټګوریو کې ګډون کړی و، چې په پایله کې یې لوګر لومړی، پکتیا دویم او غزني درېیم مقام خپل کړ.
دا سیالۍ په ياد ولايت کې د کېک بوکسېنګ سیالیو ته وده او د نشه يي توکو پر وړاندې د مبارزې په موخه ترسره شوې چې یوه ورځ یې دوام وکړ او په پای کې غوره ورزشکارانو ته کپونه، مډالونه، کمربندونه اوستاينليکونه ورکړل شول.
