لغمان؛ مرکز مهترلام کې د ١٤ لوبډلو ترمنځ د والیبال سیالۍ پای ته ورسېدې
د لغمان ولايت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت مرکز اړوند بديع الآباد کلي کې د ١٤ لوبډلو ترمنځ د والیبال سیالۍ د بديع الآباد لوبډلې په اتلولي پای ته ورسېدې.
د یادو سیالیو پایلوبه د بديع الآباد او بیصرام لوبډلو ترمنځ ترسره شوه، چې په پایله کې یې بديع الآباد لوبډلې د ٣ پر یو میدان په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د نشه يي توکو پر وړاندې د مبارزې په موخه ترسره شوې چې دوې اوونۍ يې دوام وکړ.
