لغمان؛ مرکز مهترلام ښار کې د ۲۸ لوبډلو ترمنځ د فوټسال سیالۍ پای ته ورسېدې
د لغمان ولایت د بدني روزنې او ورزش آمریت له لوري د یاد ولایت مرکز مهترلام ښار په مرکزي جمنازیوم کې د ۲۸ لوبډلو ترمنځ د فوټسال سیالۍ د مورا منتخبې لوبډلې په اتلولي پای ته ورسېدې.
د یادو سیالیو پایلوبه کې مورا منتخبې لوبډلې د یو پر صفر ګول په توپیر خپلې سیالې آریانا لغمان لوبډلې ته ماتې ورکړه او اتلولي یې وګټله.
دا سیالۍ د لغمان ولایت د فوټسال ټاکنیزې لوبډلې ته د غوره لوبغاړو ټاکنو په موخه ترسره شوې، چې په پای کې ۱۴ تنه د یاد ولایت منتخبې لوبډلې ته وټاکل شول.
