غور؛ مرکز فیروز کوه ښار کې د ۵۰ ورزشکارانو ترمنځ د ووشو سیالۍ ترسره شوې
د غور ولایت د بدني روزنې او ورزش امریت اړوند د ووشو ملي فدراسیون د استازولۍ له لوري د یاد ولایت په مرکز فیروز کوه ښار کې د ۵۰ ورزشکارانو ترمنځ د ووشو سیالۍ ترسره شوې.
دغه سیالۍ د ۴۸ کیلو ګرام څخه تر ۸۰ کیلو ګرام وزني کټګوریو کې او د ځوانانو او د لویانو ورزشکارانو په عمري کټګوریو کې ترسره شوې، چې په پایله کې ۱۵ تنو په خپلو وزنو کې د اتلولۍ مقامونه خپل کړل.
د یادو سیالیو موخه د ووشو ورزش ته د ورزشکارانو هڅول او د غوره ورزشکارانو موندل و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره ورزشکارانو ته ورزشي ډالۍ ورکړل شوې.
