غور؛ تولک ولسوالۍ کې د شپږو لوبډلو ترمنځ د ۱۸ کلنو کم عمره د فوټبال لیګ سیالۍ پيل شوې
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په تولک ولسوالۍ کې د شپږو لوبډلو ترمنځ د ۱۸ کلنو کم عمره د فوټبال لیګ سیالۍ پيل شوې.
د دغو سیالیو په لومړۍ لوبه کې عقابان لوبډلې خپلې سیالې شاهین لوبډلې ته د ۴/۱ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د ځوانانو ترمنځ یووالی رامنځته کول او ورزش ته وده ورکول دي، چې لس ورځې به دوام وکړي.
