غزني کې د ۵۰ ورزشکارانو ترمنځ د کونګ فو سیالۍ وشوې
د غزني ولایت د بدني روزنې او ورزش امریت اړوند د کونګ فو ملي فدراسیون د استازولۍ له لوري د یاد ولایت په ورزشي جمنازیوم کې د ۵۰ ورزشکارانو ترمنځ د کونګ فو سیالۍ وشوې، چې یوه ورځ یې دوام وکړ.
دغه سیالۍ د تنکیو ځوانانو، نویو ځوانانو، ځوانانو او د لویانو ورزشکارانو ترمنځ د چلینج کپ په ډول ترسره شوې، چې په پایله کې رحمت الله د یو کمربند په ګټلو سره لومړی، نوید الله د کاپ په ګټلو سره دویم او ایام د کپ په ګټلو سره بیا درېیم مقام خپل کړ.
د یادو سیالیو موخه د کونګ فو ورزش ته وده ورکول او د ورزشکارانو هڅول و.
