غزني کې د څلورو ولسوالیو ترمنځ د والیبال سیالۍ د جغتو ولسوالۍ لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت د خواجه عمري ناهور، جغتو او د رشیدان ولسوالیو لوبډلو ترمنځ د والیبال سیالۍ، چې دوې ورځې مخکې پيل شوې وې د جغتو ولسوالۍ لوبډلې په اتلولۍ پای ته ورسېدې.
د دغو سیالیو په پایلوبه کې د جغتو ولسوالۍ لوبډلې خپلې سیالې خواجه عمري ولسوالۍ لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د ولسوالیو ورزشکارانو ترمنځ یووالی رامنځته کول و؛ د سیالیو په پای کې غوره لوبډلې ته چمتو شوې ډالۍ ورکړل شوې.
