غزني ؛ مرکز کې د ۴۰ ورزشکارانو ترمنځ د فولرزم ټاکنیزې سیالۍ ترسره شوې
د غرني ولایت د بدني روزنې او ورزش امریت اړوند د فولرزم ملي فدراسیون د استازولۍ له لوري د یاد ولایت په مرکز کې له مولا علي کلب څخه د ۴۰ ورزشکارانو ترمنځ د فولرزم ټاکنیزې سیالۍ ترسره شوې.
دغه سیالۍ د نویو ځوانانو، ځوانانو او د مشرانو ورزشکارانو په عمري کټګوریو کې ترسره شوې، چې په پایله کې ۱۰ تنه ورزشکاران د غزني ولایت د فولرزم منتخبې لوبډلې ته وټاکل شول.
د یادو سیالیو موخه د غزني ولایت د فولرزم منتخبې لوبډلې ته د غوره لوبغاړو موندل و، چې یوه ورځ يې دوام وکړ.
د سیالیو په پای کې د ورزش مسوولینو له لوري غوره ورزشکارانو ته مډالونه او د اتلولۍ حکمونه ورکړل شول.
