غزني؛ ګیرو ولسوالۍ د ۱۲ لوبډلو ترمنځ د نېزه وهلو سیالۍ ترسره شوې
د غزني ولایت د بدني روزنې او ورزش امریت اړوند د وزلوبې، نېزه وهلو او د سیمه ییزو لوبو ملي فدراسیون د استازولۍ له لوري د یاد ولایت د ګیرو ولسوالۍ په شال کلي کې د ۱۲ لوبډلو ترمنځ په ۲۲ سیکشنونو کې د نېزه وهلو سیالۍ ترسره شوې.
د دغو سیالیو په پایله کې محمد انور لوبډلې لومړی، ډاکتر عبدالمتین لوبډلې دویم او حاجي احمد شاه لوبډلې بیا درېیم مقام خپل کړ.
د یادو سیالیو موخه د ورزشکارانو ترمنځ یووالی رامنځته کول و، چې یوه ورځ یې دوام وکړ.
د سیالیو په پای کې د غزني ورزشي امریت له لوري غوره لوبډلې او دویم مقام ګټونکي لوبډلې ته ورزشي ډالۍ ورکړل شوې.
