غزني؛ نواباد ولسوالۍ کې د ۴۴ لوبډلو ترمنځ د نګاه سبز فوټسال سیالۍ پیل شوې
د غزني ولایت د بدني روزنې او ورزش امریت له لوري د یاد ولایت د ولیعصر ورزشي جمنازيوم کې د ۴۴ لوبډلو ترمنځ د نګاه سبز فوټسال سیالۍ د امید ناهور لوبډلې په بریا پیل شوې.
دغه سیالۍ چې یوه نیمه میاشت به دوام وکړي لومړۍ لوبه د امید ناهور او یاران مسافر لوبډلو ترمنځ ترسره شوه، چې په پایله کې امید ناهور لوبډلې خپلې سیالې لوبډلې ته د ۱۰/۰ ګولونو په توپیر ماتې ورکړه او سیالي یې په خپل نوم کړه.
د دغو سیالیو د ترسره کېدو موخه ورزش ته د ځوانانو هڅول ياد شوي دي.
