غزني؛ جغتو ولسوالۍ کې د اتو لوبډلو ترمنځ د فوټسال سیالۍ پای ته ورسېدې
د غزني ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د جغتو ولسوالۍ په سراب سیمه کې د اتو لوبډلو ترمنځ د فوټسال سیالۍ پای ته ورسېدې.
د دغو سیالیو په پایلوبه کې د سادات فقیري لوبډلې خپلې سیالې قلعه حاجي B لوبډلې ته د ۳/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټسال لوبو ته وده ورکول و، چې ۲۰ ورځې یې دوام وکړ.
د سیالیو په پای کې غوره لوبډلې او لوبغاړو ته ورزشي ډالۍ روکړل شوې.
