غزني؛ جاغوري ولسوالۍ کې د ۳۲ لوبډلو ترمنځ د فوټسال سیالۍ پيل شوې
د غزني ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په جاغوري ولسوالۍ کې د ۳۲ لوبډلو ترمنځ د فوټسال ګروپي سیالۍ پيل شوې، چې دوې اوونۍ به دوام وکړي.
دغه سیالۍ، چې په اتو ګروپونو کې پيل شوې دي، په لومړۍ لوبه کې حیدري ستارګان لوبډلې خپلې سیالې پیشتازان ابو سعید لوبډلې ته د ۶/۵ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټسال ورزش ته وده ورکول او د جاغور ولسوالۍ د فوټسال لوبډلې ته د غوره لوبغاړو موندل دي.
