غزني؛ اب بند ولسوالۍ کې د لسو لوبډلو ترمنځ د فوټبال ژمنۍ سیالۍ پای ته ورسېدې
د غزني ولایت د بدني روزنې او ورزش امریت له لوري د اب بند ولسوالۍ د بېلا بېلو کلیو د لسو لوبډلو ترمنځ د فوټبال سیالۍ، چې ۱۳ ورځې وړاندې پیل شوې وې د پیارو لوبډلې په اتلولۍ پای ته ورسېدې.
د یادو سیالیو پایلوبه د پیارو او بادام لوبډلو ترمنځ ترسره شوه، چې په پایله کې د پیارو لوبډلې خپلې سیالې لوبډلې ته د۱/۰ ګولونو په توپیر ماتې ورکړه او اتلولي یې خپله کړه.
د دې سیالیو د ترسره کېدو موخه د فوټبال ورزش ته وده ورکول او د نشه یې توکو پر وړاندې مبازه یاد شوي دي،
د دغو سیاليو په پای کې غوره لوبډلې ته د اتلولۍ کپ او غوره لوبغاړو ته چمتو شوې ډالۍ، مډالونه او ستاینلیکونه ورکړل شول.
