سيد ظریف هاشمي د تکواندو بومسې فورم سياليو کې د طلا مډال وګاټه
د تکواندو اسيايي ازادې سيالۍ "G2" ، چې د پاکستان په کوربهتوب ترسره کېږي، افغان تکواندو کار سيد ظریف هاشمي د خپلو درې پاکستاني سيالانو په ماتولو، د طلا مډال ګټونکی شو.
نوموړی د تکواندو په بومسې فورم کې لومړی ورزشکار شو، چې د طلا مډال يې وګاټه.
په يادو سياليو کې ۱۵ افغان ورزشکارانو ګډون کړی، چې ۱۴يې د مبارزې او يو يې د بومسې په فورم کې سيالي کوي.
د تکواندو اسيايي ازادې سيالۍ"G2"، نن (د فيبرورۍ ۱۴مه) د پاکستان په کوربهتوب، په پلازمېنه اسلام آباد کې پيل شوي او د همدې مياشتې تر ۲۰مې نېټې به دوام وکړي.
