سمنگان کې د اتلس کلنو کم عمره د فوټسال سیالۍ د اتحاد لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت له لوري د ۱۶ لوبډلو ترمنځ د اتلسو کلنو کم عمره د فوټسال سیالۍ، چې یوه میاشت وړاندې یاد ولایت کې پیل شوې وې، د اتحاد لوبډلې په اتلولۍ پای ته ورسېدې.
د دغو سیالیو پایلوبه د اتحاد او کهکشان لوبډلو ترمنځ ترسره شوه، چې په پایله کې اتحاد لوبډلې د زیاتو امتیازونو په ترلاسه کولو سره د یادو سیالیو اتلولي خپله کړه.
د یادو سیالیو موخه د ځوانانو ترمنځ یووالی رامنځته کول او د غوره لوبغاړو موندل و.
