سمنگان ؛ دره صوف ولسوالۍ کې د ۲۶ لوبډلو ترمنځ د فوټبال سیالۍ ترسره شوې
د سمنګان ولایت د بدني روزنې او ورزش امریت اړوند د فوټبال فدراسیون د استازولۍ له لوري د دره صوف ولسوالۍ په تاقچي کلی کې د ۲۶ لوبډلو ترمنځ د فوټبال سیالۍ، چې دوې اونۍ وړاندې پيل شوې د جوانان دره صوف پایین لوبډلې په اتلولۍ پای ته ورسېدې.
د دغو سیالیو په پایلوبه کې د دره صوف پایین لوبډلې خپلې سیالې قربان مشکي لوبډلې ته د ۳/۰ ګولونو په توپیر ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅوول او یووالی رامنځته کول و.
د سیالیو په پای کې د ورزش مسوولانو له لوري غوره لوبډلې ته یوه غوا ورکړه.
