سمنگان؛ فيروزنخچير ولسوالۍ کې د اتو لوبډلو ترمنځ د واليبال سيالۍ پای ته ورسېدې
د سمنګان ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په فيروزنخچير ولسوالۍ کې د اتو لوبډلو ترمنځ د واليبال سيالۍ پای ته ورسېدې.
د دغو سياليو په پايلوبه کې ابوبکر دلخکي لوبډلې خپلې سيالې جعفر لوبډلې ته د ۳/۲ ميدانونو په توپير ماتې ورکړه او اتلولي يې خپله کړه.
د يادو سياليو موخه ورزشي فضا رامنځته کول، د لوبغاړو روحيه پياوړي کول او ورزش ته د ځوانانو هڅول و، چې درې ورځې يې دوام وکړ.
