سمنګان؛ ايبک ښار کې د ۱۰ لوبډلو ترمنځ د واليبال سيالۍ پای ته ورسېدې
د سمنګان ولایت د بدني روزنې او ورزش امريت اړوند د واليبال ملي فدراسیون د استازولۍ له لوري د ياد ولايت په ايبک ښار کې د ( ژمي ) جام په نوم د ۱۰ لوبډلو ترمنځ د واليبال سيالۍ د کندهاري لوبډلې په اتلولۍ پای ته ورسېدې.
د دغو سياليو په پايلوبه کې کندهاري لوبډلې خپلې سيالې ريحان لوبډلې ته د ۳/۲ ميدانونو په توپير ماتې ورکړه او اتلولي يې خپله کړه.
د يادو سياليو موخه د واليبال ورزش ته وده ورکول او د غوره لوبغاړو موندل و، چې دوې اوونۍ يې دوام وکړ.
د سياليو په پای کې د سمنګان ولایت ورزشي امريت له لوري غوره لوبډلې ته د اتلولۍ جام او غوره لوبغاړو بېلا بېلې ورزشي ډالۍ ورکړل شوې.
