زابل کې د ۱۶۰ غېږ نيونکو ترمنځ د غېږ نيونې ټاکنیزې سيالۍ پيل شوې
د زابل ولایت د بدني روزنې او ورزش آمريت اړوند د ملي او دودیزو لوبو مدیریت له لوري د ياد ولايت په ميزانه ولسوالۍ کې د ۱۶۰ غېږ نيوونکو ترمنځ د غیږ نيونې ټاکنیزې سيالۍ پيل شوې.
په يادو سیالیو کې پر مرکز سربېره د اتو ولسواليو غېږ نيونکو گډون کړی، چې په پای کې به د ياد ولايت منتخبې لوبډلې ته غوره غیږ نيونکي وټاکل شي.
د ويلو وړ ده، چې دغه سيالۍ به درې ورځې دوام وکړي.
