زابل کې د بوکسېنګ ۳۰ ورزشکارانو ته د ارتقا کمربندونه وتړل شول
د زابل د شاجوی ولسوالۍ د فیروزي په نوم د کیک جستو او واکو کیک بوکسنګ په کلب کې ۳۰ تنو ورزشکارانو ته د ارتقا کمربندونه وتړل شول.
ددې کمربنه د ورکړې په مراسمو کې د وړو او تکړه ورزشکارانو له خوا په زړه پوري ورزشي نمایشونه هم ترسره شول.
په دې مراسمو کې د زابل ورزشي مسوولینو، یو شمېر ګرځندویانو او د بوکسېنګ مینوالو برخه اخیستې وه.
د مراسمو په پای کې د ملي سوداګرو او ورزش امریت له لوري ورزشکارانو ته نغدۍ ډالۍ او ستاینلیکونه هم ورکړل شول.
