زابل؛ په قلات ښار کې د ۳۰ ورزشکارانو ترمنځ د لاس چپه کولو سيالۍ ترسره شوې

د زابل ولايت د بدني روزنې او ورزش امريت اړوند ملي او دوديزو لوبو مدیریت له لوري د ياد ولايت په مرکز قلات ښار کې د دوو کلبونو د ۳۰ ورزشکارانو ترمنځ ملي او دوديزو لوبو ته د ودې ورکولو او پرمختگ په موخه د لاس چپه کولو سيالۍ ترسره شوې.

دغه سیالۍ، چې د استاد علي احمد او استاد رحمت الله کلبونو ورزشکارانو ترمنځ چمتو شوې وې، په پايله کې د استاد رحمت الله کلب ورزشکارانو په بريا پای ته ورسېدې.

د يادولو وړ ده، چې دغو سياليو يوه ورځ دوام وکړ او په پای کې غوره ورزشکارانو ته مډالونه او ستاينليکونه ورکړل شول.