زابل؛ په ارغنداب ولسوالۍ کې ۱۶ لوبډلو ترمنځ د والیبال سیالۍ پای ته ورسېدې
د زابل ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په ارغنداب ولسوالۍ کې د ۱۶ لوبډلو ترمنځ د واليبال سيالۍ د نېک نام لوبډلې په اتلولۍ پای ته ورسېدې.
د دغو سياليو په پايلوبه کې نيک نام لوبډلې خپلې سیالې دولت خېلو لوبډلې ته د ۲/۱ ميدانونو په توپير ماتې ورکړه او اتلولي يې وګټله.
د دغو سياليو موخه د يادې ولسوالۍ د وګړو لپاره د يوې سالمې تفريح برابرول و، چې ۸ ورځې یې دوام وکړ.
