زابل؛ مرکز قلات ښار کې د ۴۰ ورزشکارانو ترمنځ د لاس چپه کولو سيالۍ ترسره شوې
د زابل ولايت د بدني روزنې او سپورټ آمريت اړوند د ملي او دوديزو لوبو مديريت له لوري په قلات ښار کې د استاد حاجي محمود سينا او استاد خالد کلبونو د ۴۰ ورزشکارانو ترمنځ د يووالي په نوم د لاس چپه کولو سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې د استاد خالد کلب ورزشکارانو لومړی مقام ترلاسه کړ.
د يادو سياليو موخه ملي او دوديزو لوبو ته وده ورکول ښودل شوي وو او په پای کې د ورزش آمريت له لوري ورزشکارانو ته مډالونه، ستاينليکونه او ورزشي وسايل ورکړل شول.
