زابل؛ مرکز قلات ښار کې د اتو لوبډلو ترمنځ د فوټبال سيالۍ تر سره شوې
د زابل ولايت، په مرکز قلات ښار، مرکز بازار سیمه کې د اتو لوبډلو ترمنځ له نشهيي توکو سره د مبارزې په نوم د فوټبال سيالۍ تر سره شوې.
دغو سیالیو درې اوونۍ دوام وکړ، چې پایلوبې ته د استقلال او ترنګ لوبډلو لار پیدا کړه، په پایلوبه کې د استقلال لوبډلې سیالې ترنګ لوبډلې ته په پینالټیو کې د 5-4 ګولونو په توپیر ماته ورکړه او د یادو سیالیو اتلولي یې خپله کړه.
د سیالیو په پای کې د بدني روزنې او ورزش آمریت له خوا لوبغاړو ته مډالونه، ستاینلیکونه او ورزشي توکي ورکړل شول.
