زابل؛ غزنويان لوبډلې د اتحاد جام په نوم د فوټبال سياليو اتلولي وگټله
د زابل ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په مرکز قلات ښار کې د اوو لوبډلو ترمنځ د "اتحاد جام" په نوم د فوټبال سيالۍ د غزنويان لوبډلې په اتلولۍ پای ته ورسېدې.
د دغو سياليو په پايلوبه کې غزنويان لوبډلې خپلې سيالې هریرود لوبډلې ته د ۵ پر ۲ گولونو په توپير ماتې ورکړه او اتلولي يې په خپل نوم کړه.
د يادو سياليو موخه د لوبغاړو ترمنځ يووالی رامنځته کول وو، چې دوې اوونۍ يې دوام وکړ.
