زابل؛ شينکۍ ولسوالۍ د ۶۰ غېږنيونکو ترمنځ د غېږنيونې سيالۍ وشوې
د زابل ولایت د بدني روزنې او ورزش آمريت په همغږۍ، د ملي او دوديزو لوبو مديريت له لوري د ياد ولايت په شينکۍ ولسوالۍ کې له څلورو ولسواليو ۶۰ غېږنيونکو ترمنځ د غېږنيونې سيالۍ وشوې.
په يادو سياليو کې پر شينکۍ ولسوالۍ سربیره له اتغر، نوبهار او شلمزائي ولسواليو څخه غېږنيونکو گډون کړی وو، چې په پايله کې د شينکۍ ولسوالۍ غېږنيونکو د زياتو برياوو په خپلولو سره لومړی مقام خپل کړ.
