زابل؛ شاجوی ولسوالۍ کې د ۲۶ ورزشکارانو ترمنځ د رزمي ورزشونو توان سبک سیالۍ ترسره شوې
د زابل ولایت د بدني روزنې او ورزش امریت اړوند د رزمي ورزشونو فدراسیون د استازولۍ له لوري د یاد ولایت په شاجوی ولسوالۍ کې د ۲۶ ورزشکارانو ترمنځ د توان سبک سیالۍ ترسره شوې.
دغه سیالۍ د روزي محمد او سمیع الله کلبونو د نویو ځوانانو، ځوانانو او مشرانو ورزشکارانو په عمري کټګوریو کې ترسره شوې، چې په پایله کې یې د سمیع الله کلب ورزشکارانو لومړی مقام خپل کړ.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې دوې ورځې یې دوام وکړ.
