زابل؛ شاجوی ولسوالۍ کې د ۱۲ لوبډلو ترمنځ د فوټبال سيالۍ پيل شوې
د زابل ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په شاجوی ولسوالۍ کې د ۱۲ لوبډلو ترمنځ د هېواد د خپلواکۍ د ۱۰۶ کليزې په مناسبت د فوټبال سیالۍ پيل شوې.
د دغو سياليو په لومړۍ لوبه کې شوباز اتحاد الف لوبډلې خپلې سيالې قرباغي ب لوبډلې ته د ۴ پر ۱ گولونو په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به شاوخوا يوه مياشت دوام وکړي.
