ریاض؛ د ورزش ادارې رهبري د ایران د ورزش او ځوانانو له وزیر سره ولیدل
د هیواد د ورزش ادارې عمومي رئیس مولوي احمد الله وثیق او د دې ادارې فني او مسلکي مرستیال حافظ احمد جان ځدراڼ د اسلامي هیوادونو د پیوستون سیالیو په څنډه کې د ایران د ورزش او ځوانانو له وزیر احمد دنیاملي سره ولیدل.
په دې لیدنه کې د دواړو هیوادونو د ورزش د مسولینو له خوا په دې خبرې وشوې، چې څنګه ورزشي اړیکې پیاوړې شي، همداراز په ایران هیواد کې د افغان مهاجرو ورزشکارانو پر فعالیتونو او وضعیت هم خبرې وشوې.
د دې لیدنې په پایله کې دواړو لوریو په دې توافق وکړ، چې په راتلونکې کې دواړه هیوادونه د ورزشي همکاریو یو هوکړه لیک لاسلیک کړي، چې له مخې به یې ورزشي اړیکې او همکارۍ لا پیاوړې شي.
