د کرېکټ نوولس کلنو لوبډله نړۍوال جام سیالیو ته ووتله
د افغانستان له نوولس کلونو کم عمره کرېکټ ملي لوبډلې د ۲۰۲۶ نوولس کلنو نړۍ وال جام سیالیو ته لار پیدا کړه.
د نوولس کلنو کرېکټ ملي لوبډلې دغو سیالیو ته د لار موندلو لپاره له عمان، هانکانګ او متحده عربي اماراتو څخه په لوړ توپیر لوبې وکټلې او له نیپال سره یې لوبه د اورښت له امله بې پایلې پای ته ورسېده، چې په دې سره یې وکولای شول تر ټولو زیاتې نمرې وګټي او نړۍوال جام ته ووځي.
د یاودنې وړ ده، چې دغه سیالۍ د پنځه اسیایي هېوادنو د نوولس کلنو ځوانانو تر منځ د روان میلادي کال د اپرېل پر ۱۳مه پیل شوې وې او د نن پای ته ورسېدې.
