د کابل د پهلوانۍ منتخبه لوبډلې د غوراوي سیالۍ پای ته ورسیدې
د کابل ولایت د پهلوانۍ منتخبه لوبډلې د غوراوي سیالۍ چې لس ورځې وړاندې د بدني روزنې او ورزش ریاست په ۲۵۰۰ کسیز جمنازیوم کې پیل شوې وې، نن پای ته ورسیدې.
په دې سیالیو کې د کابل له ۱۲ زونونو څخه د لسو وزنونو ۵۴۰ تنو ورزشکارانو برخه اخیستې وه.
د سیالیو په پایله کې له هر وزن څخه څلور او له ټولو وزنونو څلوېښتو پیاوړیو پهلوانانو د کابل منتخبه لوبډلې ته لاره پیدا کړه.
د یادو سیالیو موخه هم د کابل د پهلوانۍ منتخبه لوبډلې ته د غوره لوبغاړو تاکل وو.
