د پارا پاورلفټنګ ورزشکار خپل د دروند وزن پورته کولو ریکارډ مات کړ
د پارالمپیک ملې کمېټې اړوند د پارا پاورلفټنګ ورزشکار دین محمد وزیري د ناګویا په پارا آسیایي سیالیو کې د ١٠٠ کیلو ګرام وزن په پورته کولو سره خپل د دروند وزن پورته کولو ریکارډ مات کړ.
ښاغلي وزیري له دې مخکې ٨٠ کیلو ګرامه وزن پورته کړی و.
د یادونې وړ ده، چې د پاراتکواندو لوبغاړي علي سجاد همراز د پارا اسيايي پنځم پړاو سياليو په لومړۍ لوبه کې خپل میانماري سیال ته په دوو پرلهپسې پړاوونو کې د ډېرو نمرو په توپیر ماتې ورکړه او د سیالیو بل پړاو ته یې لاره وموندله.
