د ویلچر باسکټبال ملي لوبډلې د متحده عربي اماراتو لوبډلې ته ماتې ورکړه.
د ویلچر باسکیټبال ملي لوبډلې په ټایلنډ هېواد کې د آسیا د سهمیې د ګټلو روانو سیالیو کې د متحده عربي اماراتو لوبډلې ته د ۶۵ـ ۵۰ په توپیر نن سهار ماتې ورکړه.
د هېواد د ملي لوبډلې راتلونکې لوبه به سبا سه شنبه د عراق په وړاندې وي.
د ویلچیر باسکیټبال سیالۍ د ۱۱ هیوادونو په ګډون په تایلنډ کې پیل شوي دي چې د افغانستان په استازولی ۱۲ ورزشکاران، څلور کسیز هیأت په کې ګډون کړی دی.
